फलटण तालुक्यात 8,900 घरकुले मंजूर; परंतु खरे लाभार्थी अजूनही वंचितच!
यादीमध्ये ग्रामीण भागात सरपंच,सदस्य,ग्रामपंचायतचे कर्मचारी,धनदांडगे लोक लाभार्थी: बीडीओ अक्षय घावटे लक्ष घालणार का?
“घरकुल लुटणारे गाव टगे”: भाग-1
फलटण: फलटण तालुक्यामध्ये 131 ग्रामपंचायती असून प्रधानमंत्री ग्रामीण आवास योजना 2.0 मध्ये एकूण 8,900 लोकांना घरकुले मंजूर झालेली आहेत.
असे असले तरी यातील अनेक लोकांना प्रत्यक्ष पाहणी केली असता पक्की घरे असल्याचे दिसून येत आहेत.
या शासनाच्या योजनेमध्ये गावचे सरपंच, सदस्य, ग्रामपंचायतचे कर्मचारी, धनधांडगे लोक यांनी गावगाड्यातील सत्ताधारी लोकांना हाताशी धरून आपली नावे बसवली असल्याचे चित्र तालुक्यात दिसून येत आहे. यांना आता रोखले नाही तर हे घरकुले लुटणारे गावटगे यांची टोळी वाढतच जाईल.
तर दुसरीकडे गावगाड्यातील बेघर लोक, दुसऱ्यांच्या घरात भाड्याने राहणारे लोक,पक्की घरी नसलेले लोक आजही या योजनेपासून वंचित असल्याचे दिसून येत आहे.
यावर फलटण पंचायत समितीचे गटविकास अधिकारी अक्षय घावटे यांनी सदर विषयात लक्ष घालून ग्रामपंचायतचे ग्रामसेवक यांना या योजनेत पारदर्शकता आणण्यासाठी सूचना करणे गरजेचे आहे. अन्यथा घरकुलांचे लुटेरे योजना लुटायला बसलेले आहेतच.
क्रमशः.. भाग:1
