फलटणला राष्ट्रवादीचे दोन आमदार!
एक शिवसेनेबरोबर तर दुसरे भाजप बरोबर
एकेकाळी फलटण पंचायत समितीवर निर्विवाद सत्ता असलेल्या पक्षाच्या वाताहतीला जबाबदार कोण?
जिल्हा परिषद व पंचायत समिती विश्लेषण भाग – 2
फलटण: विशेष संपादकीय लेख (अमोल पवार): फलटण तालुक्याला दोन आमदार लाभलेले आहेत. दोन्ही आमदार हे राष्ट्रवादी अजित पवार गटाचे आहेत.
यापैकी एक म्हणजे विधान परिषदेचे माजी सभापती तथा विद्यमान विधान परिषदेचे सदस्य आमदार श्रीमंत रामराजे नाईक निंबाळकर
तर दुसरे राष्ट्रवादीचे आमदार म्हणजे फलटण कोरेगाव मतदार संघाचे विधानसभेचे सदस्य आमदार श्री.सचिन पाटील होत.
सध्या जिल्हा परिषद व पंचायत समिती निवडणुका लागलेल्या असल्याने फलटण मध्ये राजकीय रणांगण सुरु झाले आहे.
सध्या राजकीय परिस्थितीनुसार शिवसेना व भारतीय जनता पार्टी मध्ये राजकीय रणसंग्राम सुरु झालेला असून.फलटणचे या दोन्ही आमदारांनी आपल्या भूमिका स्पष्ट केल्याचे दिसून येत आहे. यामध्ये आमदार श्रीमंत रामराजे नाईक निंबाळकर यांनी आपली ताकत ही शिवसेनेच्या बाजूने उभी केली आहे.
तर आमदार सचिन पाटील यांनी भारतीय जनता पक्षाच्या बाजूने आपली ताकत उभी केलेली आहे.या बदल्यात 2 जिल्हा परिषद सदस्य व 4 पंचायत समिती सदस्य यांना घड्याळाच्या चिन्हावर उभे केले आहे.
एकेकाळी फलटण तालुका हा राष्ट्रवादीचा बालेकिल्ला होता. सद्य परिस्थितीत फलटणला 2 राष्ट्रवादीचे आमदार आहेत. तरीसुध्दा राष्ट्रवादी पक्ष व संघटना ही आज दुसऱ्या पक्षांच्या दावणीला बांधलेली दिसून येत आहे.याला जबाबदार कोण? अजित दादांचे काही निर्णय चुकलेत का? हा प्रश्न राष्ट्रवादी प्रेमी मतदारांना पडलेला आहे. फलटण पंचायत समितीवर या पक्षाची सत्ता व सभापती होता. फलटण तालुक्यातील राष्ट्रवादी पक्षाची वाताहात याला जबाबदार कोण?
राष्ट्रवादीचे नेते तथा उपमुख्यमंत्री अजित पवार यांना या गोष्टी माहिती आहेत का? यावर अजित पवार आगामी काळात पक्ष वाढीसाठी काय उतारा काढणार? की पक्षाला तालुक्यात अशीच उतरती कळा लागणार? हे आगामी काळात पाहणे औत्सुक्याचे ठरणार आहे.
क्रमशः…..
