राजाळे येथील जानाई मंदिरात शिवसेनेच्या सांगवी पंचायत समिती गणाच्या उमेदवार सौ. पुष्पा रामचंद्र चोपडे यांच्या प्रचाराला नारळ फोडून सुरुवात
ग्रामपंचायत ते जानाई मंदिर प्रचार रॅली,गावातील उमेदवार असल्याने ग्रामस्थांचा उत्स्फूर्त प्रतिसाद
फलटण: विडणी जिल्हा गटांतर्गत सांगवी पंचायत समितीसाठी शिवसेना राजे गटाच्या उमेदवार सौ. पुष्पा रामचंद्र चोपडे यांच्या प्रचाराचा नारळ जानाई मंदिर राजाळे येथे फोडण्यात आला.
यावेळी सांगवी, सोमंथळी, राजाळे, सोनगाव, टाकळवाडे गावातील राजे गटाचे नेते व कार्यकर्ते यांची प्रमुख उपस्थिती होती.
यावेळी ग्रामपंचायत ते जानाई मंदिर अशी प्रचाराची रॅली काढण्यात आली. या रॅलीला राजाळे ग्रामस्थांकडून उत्स्फूर्तपणे प्रतिसाद मिळाला असून गावातील उमेदवार असल्याने गाव निश्चितपणे उमेदवाराच्या पाठीमागे ठाम उभे राहणार असल्याचे ग्रामस्थांनी यावेळी आपली मनोगते व्यक्त केले.
