बिबट्या, तरस या नंतर आता फलटणमध्ये रानगव्याची एन्ट्री!
वन विभाग अलर्ट मोडवर!
फलटण: फलटण तालुका वन पर्यटन केंद्र बनलेले असून जंगलात पहायला मिळणारे प्राणी हे आजकाल फलटण करांना पहायला मिळत आहेत.असे असले तरी या प्राण्याच्या कडून माणसांना धोका निर्माण झाला आहे.यापूर्वी बिबट्या, तरस, वानरे, रानडुकरे, यांनी फलटण तालुक्यात धुमाकुळ घातलेला होता आज यामध्ये रानगव्याची एन्ट्री झाली आहे.
विडणी येथे आज या रानगव्याचा हल्लामध्ये राजेंद्र सदाशिव जाधव हे गंभीर जखमी झाले असून त्यांना तात्काळ रुग्णालयात उपचारासाठी दाखल करण्यात आले आहे.
कोकरेवाडी येथे रानगवा फिरत असून त्याने राजेंद्र जाधव यांना गंभीर जखमी केले असून परिसरातील लोकांनी सतर्क राहण्याचे आवाहन सरपंच सागर अभंग यांनी केले आहे.
फलटण वन परिक्षेत्र अधिकारी निकिता बोटकर यांच्या मार्गदर्शनाखाली तात्काळ या रानगव्याला पकडण्यासाठी टीम रवाना झालेली आहे.नागरिकांनी घाबरू नये असे आवाहन वनविभागाच्या वतीने करण्यात आले आहे.
