विडणी येथील हॉटेल आईची माया समोर डिव्हायडरला धडकून भीषण अपघात
अपघातात एका तरुणाचा मृत्यू
तर तरुणी गंभीर जखमी.
हॉटेल आईची मायाचे व्यवस्थापक यांनी हायवेवरील डिव्हायडर हा गिऱ्हाईक येण्यासाठी परस्पर फोडलेला असून यामुळे अपघाताला निमंत्रण मिळत आहे का? पोलिस निष्पक्षपणे चौकशी करणार का?
फलटण: ग्रामीण पोलीस ठाण्यातून मिळालेल्या माहितीनुसार, दि. 15/02/2026 रोजी सायंकाळी 07:30 वा चे सुमारास मौजे विडणी ता फलटण गावचे हद्दीत पंढरपुर ते फलटण जाणारे रोडवर हॉटेल आईची माया समोर बजाज कंपनीची पल्सर 220 वरील चालक निवृत्ती सोमनाथ रुपनवर वय 19 वर्षे रा भांब .ता माळशिरस जि सोलापुर यांचे वाहन येथील डिव्हायडरला धडकून भीषण अपघात झाला. वाहन चालक निवृत्ती रुपनवर यांना शासकीय दवाखान्यात उपचार करता नेहेले असता उपचारदरम्यान त्यांचा मृत्यू झाला. व गाडीवरील सहप्रवासी प्रीती कांबळे रा. भांब ता.माळशिरस हिला गंभीर दुखापत झाली असून. फलटण येथील खाजगी दवाखान्यात तिच्यावर उपचार सुरू आहे.
हॉटेल आईची मायाचे व्यवस्थापक यांनी हायवेवरील डिव्हायडर हा गिऱ्हाईक येण्यासाठी परस्पर फोडलेला दिसून येत असून यामुळे अपघाताला निमंत्रण मिळत आहे का? याची ही पोलिस निष्पक्षपणे चौकशी करणार का? हे पाहणे औत्सुक्याचे ठरणार आहे. तसेच हायवे अथोरिटीने अशाच प्रकारे अनेक हॉटेल व्यवसाय व्यवसायिकांनी पुणे पंढरपूर हायवे वरील डिव्हायडर फोडलेले असून वाहनांना गिर्‍हाईकांना आपल्याकडे येण्यासाठी अनधिकृत रस्ता वळण बनवलेला आहे. यावर देखील हायवे अथोरिटीने कार्यवाही करणे अपेक्षित असून यापुढे असे अपघात होऊ नयेत .यासाठी प्रयत्न करणे गरजेचे आहे.
घटनेचा पुढील तपास फलटण ग्रामीण पोलीस ठाणे येथील पोलिस उपनिरीक्षक ज्योती चव्हाण करीत आहेत.
