बरड जिल्हा परिषद गटातून काँग्रेस पक्षाचे गंगाराम रणदिवे यांनी भरला उमेदवारी अर्ज
निवडणूक ताकतीने लढणार – गंगाराम रणदिवे
फलटण: बरड जिल्हा परिषद गटामधून भारतीय राष्ट्रीय काँग्रेस पक्षाचे अधिकृत उमेदवार म्हणून गंगाराम अरुण रणदिवे यांनी निवडणूक निर्णय अधिकारी फलटण यांच्याकडे उमेदवारी अर्ज दाखल केला. बरड जिल्हा परिषद गट हा अनुसूचित जाती सर्वसाधारण प्रवर्गासाठी राखीव आहे.
गंगाराम रणदिवे हे मुंजवडी गावचे रहिवाशी असून. ते सामाजिक कार्यकर्ते म्हणून कार्यरत आहेत. मतदार संघातील लोकांच्या समस्या सोडवण्यासाठी मी निवडणुकीला उभा असल्याचे मत उमेदवार गंगाराम रणदिवे यांनी आमच्या प्रतिनिधीशी बोलताना व्यक्त केले.
यावेळी फलटण तालुका काँग्रेस कमिटीचे अध्यक्ष श्री. महेंद्र सुभाषराव सूर्यवंशी (बेडके), फलटण काँग्रेस शहराध्यक्ष नगरसेवक श्री पंकज चंद्रकांत पवार, श्री धनंजय गोरे उपस्थित होते.
