सस्तेवाडी गणात सौ.ऋतुजा सागर कुंभार यांची अपक्ष उमेदवारी
सस्तेवाडी गणात तिरंगी लढतीने रंगत
फलटण: खुंटे गावचे सामाजिक कार्यकर्ते श्री.सागर शिवाजी कुंभार यांच्या पत्नी सौ .ऋतुजा सागर कुंभार या पंचायत समिती गण क्रमांक १०- सस्तेवाडी ( नागरिकांचा मागास प्रवर्ग) मधुन अपक्ष उमेदवार म्हणून निवडणूक लढवत आहेत.सागर शिवाजी कुंभार हे खुंटे गावच्या विकासासाठी तसेच सामाजिक क्षेत्रात नेहमीच उल्लेखनीय कामगिरी करताना दिसून आले आहेत. खुंटे गावातील पाणी पुरवठा करणारी नवीन पाण्याची टाकी बांधण्यासाठी पाठपुरावा करणे, गावच्या लोकवर्गणीतून स्मशानभूमी बांधण्यासाठी योगदान देणे, गावातील प्राथमिक आरोग्य केंद्रातील समस्या सोडविण्यासाठी पुढाकार घेणे, शेतकऱ्यांना शेतीमध्ये अवकाळी पावसामुळे झालेली शासकीय नुकसान मिळवून देण्यासाठी संघर्ष करणे, गावातील सर्व सामान्य नागरिकांना शासकीय लाभ मिळवून देणे इत्यादी त्यांच्याकडून सामाजिक कार्य केली जात आहेत .
मागील खुंटे ग्रामपंचायत निवडणुकीत त्यांचा केवळ २ मतांनी पराभव झाला गेला. परंतु त्यांनी पराभव स्वीकारुन पुन्हा सामाजिक क्षेत्रात चळवळ चालू ठेवली.त्यांचा पंचक्रोशीत मोठा जनसंपर्क आहे. सस्तेवाडी गणात खुंटे, शिंदेवाडी, भिलकटी, चौधरवाडी,कांबळेश्वर, सस्तेवाडी अलगुडेवाडी ही गावे येतात.याठिकाणी भारतीय जनता पार्टी व शिवसेनेचे उमेदवार उभे असून सौ.ऋतुजा सागर कुंभार यांच्या अपक्ष उमेदवारीने गणात मोठी चुरस निर्माण झाली आहे.
