राष्ट्रीय रंगशाला नृत्य स्पर्धेत मुधोजी महाविद्यालयाच्या विद्यार्थी कलाकारांची चमकदार कामगिरी
26 जानेवारी दिल्लीत होणाऱ्या कार्यक्रमात महाराष्ट्राच्या चित्ररथात सहभाग
फलटण: दिल्ली येथे संपन्न झालेल्या राष्ट्रीय रंगशाला नृत्य स्पर्धेत महाराष्ट्र राज्यास तृतीय क्रमांक मिळाला . महाराष्ट्रातील सासनकाठी हे नृत्य सादर केले गेले .यामध्ये मुधोजी महाविद्यालयातील कलाविष्कार विभागातील आदित्य वाघमारे – बी. ए. भाग 3 व आदित्य रणदिवे – बी. ए. भाग 1 या विद्यार्थ्यांचा सक्रिय सहभाग होता.
राष्ट्रीय पातळीवर मुधोजी महाविद्यालयाचे प्रतिनिधित्व केलेबद्दल या दोन गुणी कलाकार विद्यार्थ्यांचे व नृत्य दिग्दर्शक मा. राजेंद्र संकपाळ सर , कलाविष्कार विभागप्रमुख प्रा. लक्ष्मीकांत वेळेकर यांचे महाविद्यालयाचे प्राचार्य प्रो. डॉ. पी. एच. कदम , सर्व प्राध्यापक , प्रशासकीय कर्मचारी वर्ग व विद्यार्थ्यांतर्फे हार्दिक अभिनंदन करण्यात आले.
26 जानेवारी , 2026 रोजी प्रजासत्ताक दिनानिमित्त दिल्ली येथे होणाऱ्या संचलनामध्ये महाराष्ट्र राज्याच्या चित्ररथात ” आत्मनिर्भर भारत” अंतर्गत ” गणेशोत्सव” सादरीकरणात सहभागी होऊन हे विद्यार्थी नृत्य सादर करणार आहेत .
त्यांच्या पुढील वाटचालीस फलटण एज्युकेशन सोसायटीचे अध्यक्ष मा. श्रीमंत रामराजे नाईक निंबाळकर , चेअरमन श्रीमंत रघुनाथराजे नाईक निंबाळकर तसेच सचिव श्रीमंत संजीवराजे नाईक निंबाळकर व प्रशासन अधिकारी प्राचार्य अरविंद निकम यांनी विद्यार्थ्यांचे अभिनंदन करून 26 जानेवारीच्या दिल्ली येथे होणाऱ्या “गणेशोत्सव ” चित्ररथातील सादरीकरणासाठी शुभेच्छा दिल्या.
