भारतीय राष्ट्रीय काँग्रेसचे फलटण शहराध्यक्ष पंकज पवार यांची फलटण नगर परिषदेच्या नगरसेवक पदी निवड
फलटण: फलटण नगरपालिका पंचवार्षिक निवडणूक 2025 मध्ये झालेल्या अटीतटीच्या लढतीमध्ये प्रभाग क्रमांक 9 मधील सर्वसाधारण जागेतून भारतीय राष्ट्रीय काँग्रेसचे फलटण शहराध्यक्ष श्री. पंकज चंद्रकांत पवार सर हे बहुमताने निवडून आले आहेत. त्यांनी मिळवलेल्या या विजयाबद्दल त्यांचे कार्यकर्ते यांनी गुलालाची उधळण करीत जल्लोष केला.
यावेळी बोलताना विजयी उमेदवार व नवनिर्वाचित नगरसेवक पंकज पवार म्हणाले की, हा विजय सर्वसामान्य मतदारांचा असून,मला मतदान करणाऱ्या सर्व नागरिकांचे आभार मानतो व आपल्या अडचणी सोडवण्यासाठी मी पुढील काळात आपल्या सोबत असणार असल्याचे म्हटले आहे.
