- ♦पिंप्रद येथील छत्रपती शिवाजी महाराज चौक(उड्डाणपूल) रस्ता ते राजाळे रोड उखडलेला रस्ता दुरुस्त करावा.
- सामाजिक कार्यकर्ते रवीशेठ नाळे यांची मागणी
फलटण प्रतिनिधी(पायल पवार): पिंप्रद ता.फलटण येथील छत्रपती शिवाजी महाराज चौक(उड्डाणपूल) रस्ता ते राजाळे रोड हा रस्ता उखडलेला असून मोठ मोठाले खड्डे येथे पडलेले आहेत. सध्या साखर कारखाने सुरू असून, ऊस वाहतूक करणाऱ्या वाहनांना येथे अडचणीचा सामना करावा लागत आहे. येथील रस्त्यांच्या चढावरतीच खड्डे पडले आहेत.त्यामुळे वाहनधारकांना कसरत करावी लागत असून. खड्ड्यामध्ये दोन चाकी वाहने येऊन अपघात होण्याची शक्यता आहे.या संदर्भात संबंधित विभागाने लक्ष घालण्याची ग्रामस्थांची मागणी होत आहे.
अपघाताच्या घटना घडण्यापूर्वीच येथील रस्त्याची डागडुजी करून डांबरीकरण करावे अशी मागणी पिंप्रद येथील सामाजिक कार्यकर्ते रवीशेठ नाळे व ग्रामस्थ यांनी केली आहे.
