सौ.रुपाली अमोल सस्ते यांची प्रचंड बहुमताने नगरसेवक पदी निवड
फलटण शहर प्रतिनिधी(जुबेर कोतवाल): फलटण नगर परिषदेच्या पंचवार्षिक निवडणुकीमध्ये सौ.रुपाली अमोल सस्ते या प्रभाग क्र 13 मधून विक्रमी मताधिक्याने विजयी झाल्या आहेत. त्या युवा नेते अमोल सस्ते यांच्या पत्नी आहेत.
अमोल सस्ते यांनी भारतीय जनता पक्षाचे माजी शहर अध्यक्ष तसेच भारतीय जनता पक्षाचे तालुका अध्यक्ष पद ही भूषवले आहे.अमोल सस्ते हे माजी खासदार रणजितसिंह नाईक निंबाळकर यांचे अत्यंत निकटवर्तीय आणि निष्ठावंत म्हणून त्यांची ओळख आहे.
भारतीय जनता पार्टी फलटण शहर तसेच तालुक्यात पक्ष बांधणीत आणि पक्ष वाढीत त्यांचे मोठे योगदान आहे सौ.रुपाली अमोल सस्ते यांना विक्रमी 1,578 एवढे मतदान मिळाले आहे.
या विजयानंतर सौ.रुपाली अमोल सस्ते यांचे ग्रामविकास मंत्री ना.जयकुमार गोरे, माजी खासदार रणजितसिंह नाईक निंबाळकर,आमदार सचिन पाटील,नवनियुक्त नगराध्यक्ष समशेरसिंह नाईक निंबाळकर, ॲड. सौ.जिजामाला नाईक निंबाळकर,युवा नेते अभिजीत नाईक निंबाळकर, जयकुमार शिंदे, नातेवाईक, मित्रपरिवार यांनी त्यांचे अभिनंदन केले.
