श्रीमंत रघुनाथराजे नाईक निंबाळकर यांचा प्रचारात झंजावात
सांगवी गणातील शिवसेनेच्या पंचायत समिती उमेदवार सौ.पुष्पा चोपडे यांच्या प्रचारार्थ सभा
घरातच सारख्या उमेदवारीमुळे विरोधी उमेदवाराला लोक कंटाळले असून शिवसेनेच्या सर्वसामान्य कुटुंबातील उमेदवार सौ. पुष्पा चोपडे यांना निवडून द्या – श्रीमंत रघुनाथराजे नाईक निंबाळकर यांचे आवाहन
फलटण: सांगवी ता. फलटण येथील भैरवनाथ मंदिर
या ठिकाणी शिवसेनेच्या सांगवी गणातील पंचायत समितीच्या उमेदवार सौ.पुष्पा रामचंद्र चोपडे यांच्या प्रचाराचा शुभारंभ फलटण कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर यांच्या प्रमुख उपस्थितीत पार पडला.
यावेळी सभेला सांगवी व परिसरातील ग्रामस्थ कार्यकर्ते मोठ्या संख्येने उपस्थित होते.
यावेळी श्रीमंत रघुनाथराजे नाईक निंबाळकर यांनी आपले मनोगत व्यक्त केले, ते म्हणाले की सांगवी पंचायत समितीच्या उमेदवार या सर्वसामान्य कुटुंबातील असून आम्ही कार्यकर्त्यांना निवडणुकीची संधी दिलेली आहे. विरोधी पंचायत समिती उमेदवाराविषयी बोलताना रघुनाथराजे म्हणाले आता उभ्या असलेल्या उमेदवार यांचे पती यापूर्वी पंचायत समिती सदस्य होते. यावेळी त्यांनी आपल्या पत्नीला उभे केलेले आहे. राजकारण हे त्यांनी आपल्या कुटुंबातच ठेवले आहे. सारखे घरातच उमेदवारी मुळे व त्यांच्या कौटुंबिक राजकारणाला लोक त्यांना कंटाळले असून यावेळी शिवसेनेच्या पंचायत समितीच्या उमेदवार सौ.पुष्पा चोपडे यांना निवडून देण्याचे आवाहन उपस्थित ग्रामस्थांना केले.
