निष्ठावंतांना डावलले! आयारामांना संधी! राजाळे गावाला पंचायत समिती तिकीट न मिळाल्यामुळे विश्वासराव भोसले गट नाराज?
फलटण: फलटण तालुक्यातील जिल्हा परिषद व पंचायत समिती निवडणुका लागलेल्या असल्याने राजकीय वातावरण तापायला लागले आहे.
अशामध्येच भारतीय जनता पार्टीचे ज्येष्ठ नेते माजी सनदी अधिकारी राजाळे गावचे सुपुत्र विश्वासराव भोसले यांचा गट हा गावाला तिकीट न मिळाल्याने नाराज आहे.कार्यकर्ते अस्वस्थ आहेत. राजाळे गावात ग्रामपंचायत व सोसायटीवर एकहाती सत्ता भोसले गटाकडे आहे. मोठे गाव आहे. पंचक्रोशीसाठी मोठी बाजारपेठ आहे.
यापूर्वी जे लोक राजाळे गावातून तिकीट मिळालेले होते ते निवडून आले होते.यामध्ये पाठीमागील टर्मसाठी सातारा जिल्हा परिषदेसाठी सौ.कांचनमाला संभाजी निंबाळकर निवडून आल्या होत्या. तसेच पंचायत समितीला निवडून आलेले रवींद्र(आप्पा) भोसले, सौ.कल्पना महावीर भालेराव हे सदस्य राजाळे गावचे होते. यामुळे राजाळे गावातील उमेदवार हे पंचायत समिती गणात निवडून येतात हा इतिहास आहे.
यावेळी राजाळे गावाला राजे गट शिवसेना यांचेकडून सौ.पुष्पा रामचंद्र चोपडे यांना पंचायत समितीला उमेदवारी मिळालेली आहे. त्यामुळे राजाळेकर गावाच्या उमेदवाराला निवडून देण्यात भूमिका बजावणार का? की माजी सनदी अधिकारी विश्वासराव भोसले यांचा गट नाराजी दूर करून भाजप व राष्ट्रवादी महायुतीच्या उमेदवाराचे काम करण्यात कितपत यशस्वी होणार हे आगामी काळात पाहणे औत्सुक्याचे ठरणार आहे.
क्रमशः…
