स्व.माजी मुख्यमंत्री वसंतराव नाईक यांचा पूर्णाकृती पुतळा गंगाखेड- परभणीकडे रवाना!
टाकळवाडे ता.फलटण गावचे सुपुत्र शिल्पकार संतोष मिंड यांच्या कलेचे सर्वत्र कौतुक
फलटण: टाकळवाडे ता.फलटण येथील युवा शिल्पकार संतोष मिंड यांनी आपल्या घरी पंच धातूची शिल्पे बनवण्याचा छोटासा कारखाना सुरू केलेला असून. ते विविध प्रकारच्या कलाकृती बनवत असतात. त्यांच्या या कामाचे कौतुक आतापर्यंत राजकीय सामाजिक क्षेत्रातील लोकांनी प्रत्यक्ष पाहणी करून केले आहे.
आज गंगाखेड जिल्हा परभणी येथे स्व. माजी मुख्यमंत्री वसंतराव नाईक स्मारक समितीचे अध्यक्ष अंबादास राठोड ,पदाधिकारी व कार्यकर्ते यांच्या उपस्थितीमध्ये संतोष मिंड यांनी बनवलेल्या पुतळ्याचे पूजन करून गंगाखेड कडे मार्गस्थ करण्यात आला. यावेळी कार्यकर्त्यांनी जय सेवालाल, वसंतराव नाईक अमर रहे या घोषणा देण्यात आल्या.
या कार्यक्रमाला गावातील ग्रामस्थ, स्मारक समितीचे पदाधिकारी यांची प्रमुख उपस्थिती होती.
