भारतीय युवा पँथर संघटनेच्या वतीने अण्णाभाऊ साठे जयंती निमित्त शालेय साहित्य वाटप
फलटण : साहित्यरत्न लोकशाहीर अण्णाभाऊ साठे यांची जयंती व भारतीय युवा पॅंथर संघटनेच्या वर्धापन दिनानिमित्त भारतीय युवा पॅंथर संघटनेच्या वतीने फलटण नगरपरिषद शाळा क्रमांक ८ मधील विद्यार्थ्यांना शालेय साहित्य आणि खाऊ वाटप करण्यात आला. संघटनेच्या वतीने शाळेला आदर्श शाळा पुरस्कार प्रदान करण्यात आला.
कार्यक्रमाला फलटण शहर पोलीस स्टेशनचे पोलीस निरीक्षक श्री.घनश्याम बल्लाळ यांची प्रमुख उपस्थिती होती.
उपस्थित मान्यवरांचा सत्कार हा झाडे देऊन केला गेला.सदर कार्यक्रमाचे नियोजन पश्चिम महाराष्ट्र अध्यक्ष मंगलाताई जाधव,जिल्हाध्यक्ष सुषमा पवार यांनी केले होते.
यावेळी पोलिस हवालदार महेश जगदाळे, भारतीय युवा पँथर संघटनेचे संस्थापक अध्यक्ष गौरव अहिवळे, संपर्कप्रमुख शुभम गायकवाड ,जनशक्ती कंत्राटी कामगार संघ बारामती शहर अध्यक्ष आकाश शिंदे , सामाजिक कार्यकर्ते विजय भोंडवे,प्रतिक चव्हाण, मनिषाताई मोरे उपस्थित होते.
फलटण नगर परिषद शाळा क्रमांक ८ चे मुख्याध्यापक व शिक्षक यांनी संघटनेचे आभार व्यक्त केले.
