डॉ.श्रीमंत कोकाटे छत्रपती संभाजी महाराज जीवन गौरव पुरस्काराने सन्मानित
पुरंदर किल्ल्यावर छत्रपती संभाजी महाराज जन्मोत्सव सोहळा उत्साहात साजरा
पुरंदर: छत्रपती संभाजी महाराजांच्या प्रेरणादायी वास्तव इतिहासाचे संशोधन, लेखन आणि व्याख्यानाच्या माध्यमातून प्रचार व प्रसार करत असल्याबद्दल आज ज्येष्ठ इतिहास संशोधक ज्येष्ठ इतिहास संशोधक डॉ.श्रीमंत कोकाटे यांना छत्रपती संभाजी महाराजांच्या जयंती सोहळ्यानिमित्त संभाजी ब्रिगेडच्या वतीने “छत्रपती संभाजी महाराज जीवन गौरव पुरस्कार” देऊन पुरंदर किल्ल्यावरती गौरवण्यात आले.
कार्यक्रमाचे संयोजक अजयसिंह सावंत, संतोष हगवणे, सुभाष सावंत, सचिन सावंत-देसाई, राजाभाऊ जगताप, गौरव कोलते, शंभुसिंह नाईक-निंबाळकर, निलेश जगताप, शुभम जगताप, सागरनाना जगताप, दत्तात्रय झुरंगे, कवी हनुमंत चांदगुडे इत्यादी मान्यवरांच्या हस्ते पुरस्कार प्रदान करण्यात आला. याप्रसंगी पुरंदर गडावर राज्यभरातून आलेले शंभुप्रेमी मोठ्या संख्येने उपस्थित होते.
