म्हसवड येथील श्रीमंत भैय्यासाहेब राजेमाने महाविद्यालयातील प्रा डॉ. महेशकुमार सोनावणे यांच्या कवितेची 99 व्या अखिल भारतीय मराठी साहित्य संमेलनात निवड
म्हसवड प्रतिनिधी (ओंकार माने) :म्हसवड येथील श्रीमंत भैय्यासाहेब राजेमाने महाविद्यालयातील मराठी विभागप्रमुख प्रा.डॉ. महेशकुमार सोनावणे यांच्या ‘ माती मूळ ‘ या कवितेची सातारा येथे होणाऱ्या 99 व्या अखिल भारतीय मराठी साहित्य संमेलनामध्ये कवि कट्टा या व्यासपीठावर कविता सादरीकरणासाठी निवड करण्यात आली आहे.
डॉ.महेश कुमार सोनवणे यांच्या या कविता निवडीबद्दल महाराष्ट्र विधान परिषदेचे माजी सभापती आ.श्रीमंत रामराजे नाईक निंबाळकर, फलटण एज्युकेशन सोसायटीचे सेक्रेटरी श्रीमंत संजीवराजे नाईक निंबाळकर, फलटण कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर, प्रशासकीय अधिकारी श्री.अरविंद निकम, महाविद्यालयाचे प्राचार्य डॉ. संजय दीक्षित, प्राध्यापक व कर्मचारी वर्ग,विद्यार्थी,नातेवाईक मित्र परिवार यांचेकडून अभिनंदन होत आहे.
