राजाळे शाळा व्यवस्थापन समितीच्या अध्यक्षपदी अमित निंबाळकर,उपाध्यक्षपदी सतीश कुंभार यांची निवड!
आगामी ग्रामपंचायत निवडणुकीसाठी भोसले गट ॲक्टिव मोडवर!
फलटण: काल दिनांक 11 सप्टेंबर रोजी राजाळे जिल्हा परिषद केंद्र शाळेच्या शालेय व्यवस्थापन समितीच्या निवडी पार पडल्या.
यामध्ये भारतीय जनता पार्टीचे ज्येष्ठ नेते माजी सनदी अधिकारी विश्वासराव भोसले यांच्या मार्गदर्शनाखाली 9 सदस्य निवडून आले.तर विरोधी राजे गटाचे 2 सदस्य निवडून आले आहेत.
यामध्ये बहुमताने शालेय व्यवस्थापन समितीच्या अध्यक्षपदी अमित निंबाळकर यांची तर उपाध्यक्षपदी सतीश कुंभार यांची बिनविरोध निवड करण्यात आली.या निवडीबद्दल ग्रामस्थांनी मान्यवरांचे व सर्व सदस्यांचे सत्कार केले गेले.
शालेय समितीच्या निवडीमुळे भोसले गट ॲक्टिव मोडवर आला असून राजे गट बॅक फुटवर गेला असल्याचे चित्र दिसून येत आहे.आगामी दोन ते तीन महिन्यांवर येऊन ठेपलेल्या ग्रामपंचायत निवडणूकमध्ये विश्वासराव भोसले यांचा गट सत्ता राखण्यासाठी व राजे गट सत्ता परिवर्तनासाठी काय चाली खेळणार हे पुढील काळात समजेलच.
