बरड जिल्हा परिषद गट शैक्षणिक गुणवत्ता विकास समितीच्या अध्यक्षपदी जि. प. सदस्या वैशालीताई कांबळे यांची निवड
फलटण: दिनांक 25 जुलै बरड जिल्हा परिषद शैक्षणिक गुणवत्ता समिती अध्यक्षपदी जिल्हा परिषद सदस्या सौ.वैशालीताई संदीप कांबळे यांची तर सचिवपदी शिक्षणविस्तार अधिकारी सी.जी. मठपती यांची निवड करण्यात आली आहे.
या समितीची बैठक नुकतीच बरड तालुका फलटण येथील मॉडर्न हायस्कूल बरड येथे संपन्न झाली.
या समितीमध्ये बरड पंचायत समिती सदस्या स्वाती हनुमंत आटोळे दुधेबावी पंचायत समिती सदस्या विजया हनुमंतराव सोनवलकर ,बरड ग्रामपंचायतचे लोकनिर्वाचित सरपंच प्रकाश लंगुटे ,बरड शाळा व्यवस्थापन समितीचे अध्यक्ष संतोष आडके ,दुधेबावी शाळा व्यवस्थापन समितीचे अध्यक्ष धनंजय सोनवलकर, दुधेबावी जावली केंद्रप्रमुख लवेश चोरमले, संजय धुमाळ यांचा यामध्ये समावेश आहे.
