फलटण तालुक्यात 8,900 घरकुले मंजूर;परंतु खरे लाभार्थी अजूनही वंचितच?
मंजूर यादीत गावटग्यांकडून निकष धाब्यावर बसवून धनदांडग्यांना घरकुलांची खिरापत वाटप!
तालुक्यातील ग्रामसेवकांकडून चोरांना वजी उचलून देण्याची संशयास्पद भूमिका?
“घरकुल लुटणारे गाव टगे”: भाग-2
फलटण: फलटण तालुक्यामध्ये 131 ग्रामपंचायती असून प्रधानमंत्री ग्रामीण आवास योजना 2.0 मध्ये एकूण 8,900 लोकांना घरकुले मंजूर झालेली आहेत.
असे असले तरी यातील अनेक लोकांना प्रत्यक्ष पाहणी केली असता पक्की घरे असल्याचे दिसून येत आहेत.
या शासनाच्या योजनेमध्ये गावठग्यांकडून गावचे धनधांडगे लोक यांना घरकुलांची खिरापत वाटलेली दिसून येत आहे. गावगाड्यातील सत्ताधारी लोकांना हाताशी धरून आपली नावे बसवली असल्याचे चित्र तालुक्यात दिसून येत आहे. यांना आता रोखले नाही तर हे घरकुले लुटणारे गावटगे यांची टोळी वाढतच जाईल.
तर दुसरीकडे गावगाड्यातील बेघर लोक, दुसऱ्यांच्या घरात भाड्याने राहणारे लोक,पक्की घरी नसलेले लोक आजही या योजनेपासून वंचितच असल्याचे दिसून येत आहे.
यावर आता सातारा जिल्हा परिषदेच्या मुख्य कार्यकारी अधिकारी याशनी नागराजन मॅडम या काय भूमिका घेतात हे पाहणे महत्त्वाचे आहे.फलटण पंचायत समितीचे गटविकास अधिकारी अक्षय घावटे यांनी सदर विषयात लक्ष घालून ग्रामपंचायतचे ग्रामसेवक यांना या योजनेत पारदर्शकता आणण्यासाठी सूचना करणे गरजेचे आहे. अन्यथा घरकुलांचे लुटेरे योजना लुटायला बसलेले आहेतच.
क्रमशः.. भाग:2
