कापशी सोसायटीच्या चेअरमनपदी सौ.कल्याणी दीपक नलगे व व्हा. चेअरमनपदी अरविंद बाबुराव गार्डे यांची निवड!
गावच्या इतिहासातील पहिल्याच महिला चेअरमन बनण्याचा मान सौ.कल्याणी नलगे यांना!
फलटण: कापशी तालुका फलटण येथील कापशी ग्राम विकास सेवा सोसायटीच्या चेअरमन पदी सौ.कल्याणी दीपक नलगे व व्हा.चेअरमन पदी अरविंद बाबुराव गार्डे यांची बिनविरोध निवड करण्यात आली आहे.
चेअरमन सौ. कल्याणी नलगे या गावच्या इतिहासातील पहिल्याच महिला चेअरमन होण्याचा मान त्यांना भेटला आहे.
त्यांच्या निवडीबद्दल विधान परिषदेचे माजी सभापती श्रीमंत रामराजे नाईक निंबाळकर, फलटण कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर,सातारा जिल्हा परिषदेचे मा.अध्यक्ष श्रीमंत संजीवराजे नाईक निंबाळकर, गावचे ग्रामस्थ नातेवाईक, मित्रपरिवार, आजी माजी सैनिक संघटना कापशी यांच्या वतीने अभिनंदन करण्यात आले आहे.
