राजाळे गावचे सुपुत्र प्रवीण निंबाळकर यांना पोलिस निरीक्षक पदी पदोन्नती
फलटण : राजाळे ता.फलटण गावचे सुपुत्र प्रवीण निंबाळकर यांची पोलिस खात्या अंतर्गत अँटी करप्शन ब्युरो पुणे येथे पोलिस निरीक्षक पदी पदोन्नती मिळाली आहे.
अत्यंत परिश्रम घेऊन पोलिस खात्यामध्ये पोलिस उप निरीक्षक म्हणून (PSI) 2012 मध्ये ते भरती झाले होते.त्यानंतर ते ठाणे ,पालघर येथे 2012 ते 2015 मध्ये कार्यरत होते.2017 मध्ये ते मुंबई येथे सहाय्यक पोलीस निरीक्षक (API) म्हणून कार्यरत होते. त्यानंतर आज त्यांची पुणे येथे अँटी करप्शन ब्युरो मध्ये पोलिस निरीक्षक(PI) म्हणून पदोन्नती झालेली आहे.
याबद्दल त्यांचे नातेवाईक, ग्रामस्थ व मित्र परिवार यांचे कडून अभिनंदन होत आहे.
