फलटण पूर्व भागात यात्रा काळात गॅसचा तुटवडा!
राजाळे येथे गॅससाठी ग्रामस्थांच्या रांगा! पुरवठा विभागाने दखल घेण्याची ग्रामस्थांची मागणी !
फलटण: सध्या फलटण पूर्व भागात गावागावात यात्रा हंगाम सुरू आहे. प्रत्येकाच्या घरी पाहुण्यांची रेलचल असते.
अशातच राजाळे गावातील ग्रामस्थांना गॅस तुटवड्यांचा सामना करावा लागला. गावात 8 दिवसातून एकदा Hp गॅसची लाटकर यांची गाडी येत असून. नंबर लावल्यापैकी 70 टक्के लोकांना माघारी जावे लागत आहे.
आज सोमवारी देखील गाडी येणार असून यातील नंबर लावलेल्या किती लोकांना गॅस टाकी मिळणार हे पहावे लागणार आहे. गावातील यात्रेमुळे ग्रामस्थांना गॅस मिळावा यासाठी पुरवठा विभागाने लक्ष देण्याची मागणी ग्रामस्थांकडून होत आहे
