वाढदिवसाचा अनावश्यक खर्च टाळून वाचनालयास पुस्तके भेट
राजाळे येथील तोरसे कुटुंबीयांच्या उपक्रमाचे सर्वत्र कौतुक
फलटण: राजाळे ता. फलटण येथील सामाजिक कार्यकर्ते डॉ. दत्तात्रय तोरसे यांचे चिरंजीव आदित्य दत्तात्रय तोरसे यांच्या जन्मदिवसानिमित्त राजाळे येथील वाचनालयास पुस्तके भेट देण्यात आली.
जन्मदिवसाचा वायफट खर्च यावेळी टाळण्यात आला.राजाळे ग्रामपंचायत ने सुरू केलेल्या वाचनालयास शककर्ते शिवराय (खंड १ व २) आणि अभंग – ज्ञानेश्वरी ग्रंथ भेट म्हणून देण्यात आली.यावेळी माजी सनदी अधिकारी विश्वासराव भोसले, ग्रामसेवक आनंद गुरव व मित्र परिवार यांची प्रमुख उपस्थिती होती.
या सामाजिक उपक्रमाचे राजाळे पंचक्रोशीतील ग्रामस्थांकडून कौतुक होत आहे.
