वडले ग्रामपंचायत पोटनिवडणूक राजे गट विरुद्ध खासदार गटात सामना !
फलटण: वडले ता.फलटण येथील राजे गटाचे ग्रामपंचायत सदस्य दत्ता शेंडगे हे अपात्र झाल्याने या ठिकाणी पोटनिवडणूक लागलेली आहे. ग्रामपंचायतवर राजे गटाची सत्ता असून येथे लोकनियुक्त सरपंच डॉ.संतोष लाळगे हे काम पाहत आहेत. राजे गटाचे सरपंचासह 4 सदस्य असून, खासदार गटाचे निवडून आलेले व प्रवेश झालेले असे 4 सदस्य आहेत.वार्ड क्रमांक-3 हा राजे गटाचा बालेकिल्ला समजला जातो. या ठिकाणी ज्यांचा सदस्य निवडून येईल त्यांचे बहुमत होईल.आगामी काळात उप-सरपंच त्या गटाचा होऊ शकतो असे चित्र आहे.
या निवडणुकीसाठी राजे गट शिवसेना व खासदार गट भाजप यांच्यात निवडणूक होत आहे. यावेळी राजे गटाकडून रणजीत मल्हारी सोनवलकर तर त्यांचे विरुद्ध नेताजी पिराजी काळे हे दोघे आमने-सामने उभे आहेत.
राजे गटाचे गटनेते डॉ.संतोष लाळगे यांच्या व्यूहरचनेला भाजप गटाचे गटनेते किरण लाळगे हे कसे सामोरे जातात व निकाल काय लागतो हे 29 एप्रिल रोजी स्पष्ट होणार आहे.
